Politika e rekrutimit dhe mbrojtjes së të dhënave personale

I nderuar aplikant!

Duke vlerësuar interesimin tuaj për të aplikuar për këtë pozicion të lirë pune, ju informojmë se InfoSoft Management Services sh.p.k është Shoqëria e autorizuar për ofrimin e shërbimeve për rekrutimin e kandidatëve të interesuar për t’u punësuar sipas posteve të lira.

Kjo Shoqëri siguron çdo aplikant se të dhënat që mbërrijnë në bazën e të dhënave të saj, ruhen në përputhje me legjislacionin në fuqi dhe është e përkushtuar të zbatojë rigorozisht të gjithë kuadrin ligjor, në mbrojtje të të dhënave të paraqitura. Më konkretisht, respektimin e detyrimeve të shprehura në Kushtetutën e Republikës së Shqipërisë, Ligjin në fuqi Nr.124/2024, “Për Mbrojtjen e të Dhënave Personale” dhe aktet nënligjore të dala në zbatim të tij.

Mbledhja e të dhënave personale

Gjatë proceseve të ndryshme që kanë të bëjnë me rekrutimin, kur ju kontaktoheni nga Shoqëria InfoSoft Management Services sh.p.k. apo edhe kur ju vetë kontaktoni Shoqërinë për të prezantuar kualifikimet tuaja apo preferencat në lidhje me një pozicion për të cilin doni të aplikoni, mund të dalë e nevojshme dhënia e të dhënave personale. Për më tepër, ju mund të jepni edhe informacione shtesë të pa kërkuara në formën e CV/jetëshkrimit, referenca nga punësime të mëparshme apo informacione për personat referues që mund të kontaktohen nga Shoqëria.

Nëse ju jepni informacion në lidhje me persona të tjerë, si individë referues, ju jeni përgjegjës për vërtetësinë e informacionit të dhënë dhe marrjen e çdo pëlqimi të nevojshëm prej tyre, me qëllim që Shoqëria t’i kontaktojë për verifikimin e informacioneve të dhëna nga ju.

Bazuar në referencat tuaja, InfoSoft Management Services sh.p.k. mund të mbledhë gjithashtu informacion për ju edhe nga palë të treta, por në çdo rast vetëm brenda qëllimit të rekrutimit, duke u kujdesur të mos mbledhë dhe të mos përpunojë të dhëna të panevojshme, e përcaktuar kjo në bazë të Ligjit Nr.124/2024, “Për Mbrojtjen e të Dhënave Personale”.

Qëllimi i përdorimit të të dhënave personale

Me dëshirën për të patur një bashkëpunim sa më eficient, garantojmë se përpunimi i të dhënave tuaja do të bëhet vetëm për qëllime rekrutimi, në funksion të vlerësimit të përshtatjes së profilit tuaj me kriteret e posteve të lira.

Informacioni që ju dorëzoni tek InfoSoft Management Services sh.p.k. gjatë procesit të rekrutimit/punësimit mund të përdoret për t’ju kontaktuar dhe komunikuar me ju, si dhe për administrimin në përgjithësi të të gjithë procesit, në përputhje me kuadrin ligjor dhe rregullator, si dhe politikat e brendshme të Shoqërisë.

Nëse jeni të suksesshëm gjatë procesit të rekrutimit dhe punësoheni, të dhënat tuaja personale do të jenë pjesë e dosjes suaj të mbajtur nga punëdhënësi dhe mund të përdoren për qëllime të lidhura me punësimin ose punën tuaj.

Masat për garantimin e sigurisë dhe ruajtjen e konfidencialitetit

Në cilësinë e kontrolluesit dhe përpunuesit, deklarojmë se kemi marrë masat e duhura organizative dhe teknike për të mbrojtur të dhënat personale nga dëmtimet, shkatërrime të paligjshme dhe/apo aksidentale, humbjes, manipulimit si dhe aksesit apo përhapjes së tyre nga persona të paautorizuar.

E drejta për të kërkuar korrigjimin/ndryshimin/fshirjen e të dhënave personale

Referuar legjislacionit në fuqi, kushtuar mbrojtjes së të dhënave personale, ju keni të drejtë të kërkoni korrigjimin/ndryshimin apo fshirjen e të dhënave tuaja personale, të cilat janë plotësuar vullnetarisht gjatë aplikimit për punësim, nëpërmjet një kërkesë të dërguar me postë elektronike në adresën zyrtare humanresources@infosoftgroup.com.al.

Transferimi i të dhënave

Duke klikuar mbi “Pranoj” ju jepni pëlqimin/miratimin tuaj për përpunimin e të dhënave të paraqitura nga ju, në formularin e aplikimit për punësim dhe fazave të tjera të procesit të rekrutimit.

Gjithashtu, me pranimin e përpunimit të të dhënave, nënkuptojmë se të dhënat tuaja mund të transferohen nga InfoSoft Management Services sh.p.k. në një Shoqëri tjetër brenda Group-it, e cila mund të shprehë interes për punësimin tuaj, bazuar në të dhënat profesionale që keni dërguar (CV dhe kualifikimet etj.), duke respektuar në çdo rast legjislacionin në fuqi.

Në këtë mënyrë, ju jepni pëlqimin/miratimin tuaj që kjo Shoqëri të përpunojë të dhënat e paraqitura dhe pranoni që mund të kontaktoheni prej saj për qëllime rekrutimi/punësimi.

Afati i ruajtjes së të dhënave personale

Të dhënat tuaja personale do të ruhen në bazën tonë të të dhënave deri në momentin e realizimit të qëllimit dhe do të konsiderohen për qëllime rekrutimi, jo vetëm për postet e lira aktuale, por edhe për mundësi të tjera punësimi që mund të shfaqen në të ardhmen