Infosoft Group kërkon të punësojë: Jurist/e

14 Apr Infosoft Group kërkon të punësojë: Jurist/e

Të interesuarit mund të aplikojnë duke dërguar CV-në dhe dokumente të tjera që vërtetojnë kualifikimet e tyre, në adresën e_mail: humanresources@infosoftgroup.com.al. Të dhënat që do të paraqitni do të ruhen dhe përpunohen vetëm për qëllime rekrutimi në mbështetje të legjislacionit në fuqi për mbrojtjen e të dhënave personale (Ligjit ne fuqi (Nr. 9887 date 10.03.2008) “Për Mbrojtjen e të Dhënave Personale” dhe akteve nënligjore për zbatim).

DETYRA DHE PËRGJEGJËSI:

• Eshtë përgjegjës/e për përmbushjen e detyrimeve ligjore që Shoqëritë e InfoSoft Group kanë ose mund të kenë si rezultat i parashikimeve të dispozitave të legjislacionit në fuqi si dhe të akteve të brendshme të vetë grupit.
• Këshillim dhe asistencë të përgjithshme, të vazhdueshme, në raport me interpretimin dhe zbatimin e drejtë të kërkesave të ligjit dhe/ose autoriteteve shtetërore nga ana e shoqërive të InfoSoft Group, si dhe këshillimin dhe asistencën më të detajuar (kapilare) lidhur me aspekte të posaçme që mund të kenë sektorë të veçantë.
• Ka detyrë të përfaqësojë shoqëritë e Infosoft Group përpara autoriteteve administrative dhe, më tej, gjyqësore lidhur me mosmarrëveshjet dhe/ose penalitetet që mund t’u jenë vendosur shoqërive të InfoSoft Group.
• Asiston në mënyrë të vazhdueshme dhe ad hoc, përfaqësuesit e shoqërive të caktuara të grupit në rastet e negocimit, zbatimit dhe përmbushjes së kontratave me palët e treta pjesëmarrëse në qarkullimin juridiko-civil.
• Përgatit dhe përditëson dokumentet standarde (model) në lidhje me kontratat (tregtare, si kontratat shitje, sherbimi, konsulence, teknike, NDA, kontrata me furnitore etj. Ndihmon në zgjidhjen e problematikave që lidhen me kontratat ku është e përfshirë kompania,

KËRKESA PËR KANDIDATËT:

• Diplomë universitare e nivelit të dytë, Fakulteti i Drejtësisë.
• Minimalisht 5 vjet eksperiencë pune si jurist/e.
• Njohuri shumë të mira mbi Legjislacionin për Shoqëritë Tregtare.
• Njohuri shumë të mira të Kodit Civil.
• Njohuri shumë të mira të Kodit të Procedurës Civile.
• Njohuri të Kodit mbi “Procedurat Administrative në RSH”.
• Njohuri shumë të mira të Kodit të Punës dhe legjislacionit për sigurinë dhe shëndetin në punë.
• Njohje shumë e mirë e gjuhës angleze.
• Aftësi shumë të mira analitike.
• Aftësi shumë të mira organizative dhe aftësi të punës në grup.
• Aftësi komunikative verbale dhe në shkrimin e materialeve tekniko-administrative.
• Të jetë në gjendje të përgatisë materiale këshilluese, padi, kundër padi dhe çdo akt tjetër të nevojshëm për ndjekjen e proceseve gjyqësore.